عبدالله: د ټاکنیز کړکېچ د حل لپاره هڅې روانې دي

اجراییه رییس عبدالله عبدالله وايي لا هم هیله من دی چې له ټاکنو را ټوکېدلی کړکېچ به هوار شي او پر همدې بنسټ له ولسمشر غني سره د ګډ کار امکان نه ردوي. عبدالله تېره شپه له طلوع نیوز ټلویزیون سره په مرکه کې وویل، د ولسمشر غني په څېر دی هم د لوړې مراسمو لپاره چمتووالی لري خو که د حل لارې موندل او د منځګړیتوب لپاره روانې هڅې وخت ته اړتیا لري نو غوښتنه یې داده چې ولسمشرغني دې د لوړې مراسم چې ټاکل شوې راتلونکې دوشنبه ترسره شي وځنډوي. نوموړی ټینګار کوي، چې د ټاکنیز بحران دواړه خواوې یانی دی او ولسمشر غني باید له تدبیر او حکمته کار واخلي، راتلونکې ته وګوري او له یو څه باید تېر شي. عبدالله د زندانیانو په اړه وویل، که دا زندانیان خوشې کیږي نو باید د سولې د یوه تړون په اډانه کې خوشې شي او دا ډاډ باید وي چې خوشې شوي کسان بیا د جګړې میدان تع نه ورګرځي.