امریکا د ملګروملتونو د امنیت شورا له نورو غړو سره د هغه پرېکړه لیک د مسودې په اړه بحثونه پیل کړي چې د امریکا او طالبانو ترمنځ د سولې هوکړه تاییدوي. فرانس پرس خبري آژانس چې د دې پرېکړه لیک د مسودې متن یې ترلاسه کړی وايي چې د دې پرېکړه لیک د مسودې له مخې امنیت شورا د دې هوکړې هرکلی کوي. په مسوده کې له ټولو هېوادونو په تېره له سیمه ییزو لوبغاړو غوښتل شوي چې د سولې د یوې دوامدارې او هراړخیزې هوکړې لپاره د بریالیو خبرو د پرمختګ ملاتړ وکړي. د پرېکړه لیک په مسوده کې پر افغان حکومت د فشار یادونه هم شوې ده څو دایمي او هراړخیز اوربند ته د رسېدلو لپاره له طالبانو سره خبرې وکړي. د فرانس پرس د راپور له مخې د پرېکړه لیک په مسوده کې همداراز راغلي چې امنیت شورا به د بین الافغاني خبرو له پیلېدو وروسته پر هغو بندیزونو بیا کتنه وکړي چې له ۲۰۱۱ کال راهیسې د طالبانو پر افرادو او ډلو لګول شوي دي.
ملګرو ملتونو د سولې هوکړې د تايید لپاره بحثونه پیل کړي
Get real time update about this post categories directly on your device, subscribe now.
- Trending
- Comments
- Latest
