بریتانیا: د ټول شموله حکومت په اړه د ولسمشر غني له ژمنې هرکلی کوو

په کابل کې د بریتانیا سفارت د یوې خبرپاڼې په خپرولو سره افغانستان کې د موازي حکومت په اړه اندېښنه څرګنده کړې او ټینګار یې کړی دی چې ښکېل اړخونه باید خپلمنځي ستونزې د خبرو له لارې حل کړي. په خبرپاڼه کې راغلي، دوی د موازي ادارې رامنځته کولو اندیښمن کړي او په ټولو اړوند اړخونو غږ کوي چې راټول شي او اختلافات په رغنده توګه حل کړي. خبرپاڼه دغه راز کاږي، له رامنځته شوي فرصت څخه په استفادې له ولسمشر غني او د هغه له حکومت سره همکارۍ ته چمتو دي. بریتانیا سفارت د ټول شموله حکومت جوړولو په اړه د ولسمشر غني د ژمنې ملاتړ او هرکلی کړی دی. د یادونې ده چې امریکا هم د موازي حکومت له جوړولو سره مخالفت کړی او د یو ټول شموله حکومت په رامنځته کېدو یې ټینګار کړی دی.