د غور ولایت سیمه ییز امنیتي چارواکي وایي چې د دغه ولایت په دولتیار ولسوالۍ کې د ماین چاودنې له امله پنځه ملکي وګړي وژل شوي او دوه نور ټپیان شوي دي. د غور د والي ویاند عارف عابر ویلي، پېښه هغه مهال رامنځته شوه چې د ملکي وګړو یو سراچه موټر د دولتیار ولسوالۍ او فیروزکوه ښار تر منځ بادګاه سیمه کې پر سړک غاړې ماین وربرابر شو. د هغه په خبره، په دې پېښه کې د ښځو او ماشومانو په ګډون پنځه ملکي وګړي وژل شوي او دوه نور ټپیان دي. نوموړي زیاته کړې چې ټپیان روغتون ته لېږدول شوي او روغتیایي حالت یې د ډاډ وړ دی. د چاودنې پړه تر اوسه کومې ډلې پر غاړه نه ده اخیستې.
غور کې ماین چاودنې پنځه ملکي وګړي وژلي
Get real time update about this post categories directly on your device, subscribe now.
- Trending
- Comments
- Latest
