د بغلان د غوري سیمنټو فابریکه چې د افغانستان د اړتیا وړ شپږ سلنه او د بغلان، کندوز او تخار ولایتونو د اړتیا وړ ۷۰ سلنه سیمنټ تولیدوي، د روان کال د نهو میاشتو عواید یې د تېر کال د عوایدو په پرتله ۳۰ سلنه زیاتوالی ښيي. د بغلان د غوري سیمنټو فابریکې مالي او اداري مرستیال عبدالوکیل قیومي وايي، چې تېر کال د غوري سیمنټو فابریکو عواید ۵۴۰ میلیونه افغانۍ وو خو د روان ۱۴۰۲ کال په لومړیو نهو میاشتو کې د دې فابریکې عواید ۷۰۰ میلیونه افغانیو ته رسېدلي، چې دا د تېر کال په پرتله ۳۰ سلنه زیاتوالی ښيي. قیومي زیاته کړه، چې د لنډمهال لپاره پلان دادی، چې د تولیدي لګښت د کمولو لپاره د غوري سیمنټو زړه فابریکه له مرطوب سیستم څخه وچ سیستم ته واړول شي او په اوږدمهال کې به د دوه فعالو فابریکو ترڅنګ درېیمه فابریکه هم فعاله شي.
د غوري سیمنټو فابریکې په عوایدو کې ۳۰ سلنه زیاتوالی راغلی
Get real time update about this post categories directly on your device, subscribe now.
- Trending
- Comments
- Latest
