مسکو، افغان چارواکو ته په نړیوال اقتصادي فورم کې بلنه ورکړې

د افغانستان لپاره د روسیې ځانګړي استازي ضمیر کابلوف ویلي، چې مسکو د سرپرست حکومت چارواکو ته د سنټ پیټرزبورګ په نړۍوال اقتصادي فورم کې د ګډون بلنه ورکړې ده. ضمیر کابلوف وایي، سرپرست حکومت لېواله دي چې له روسيې څخه تېل او نور توکي واخلي. تاس خبري اژانس د ضمير کابلوف له قوله په يو بل خبر کې لیکلي، چې د روسيې د عدليې او بهرنيو چارو وزارتونو ولسمشر پوتين ته وړانديز کړی، چې افغانستان سرپرست حکومت دې د ممنوع الخروج سازمانونو له لېست څخه وباسي.کابلوف په تیرو درېیو کلونو کې له سرپرست حکومت سره د روسیې د اړیکو په ښه کولو کې مهم رول لوبولی دی. هغه مخکې ویلي وو، چې سرپرست حکومت د پخواني شوروي اتحاد د ځای ناستي په توګه پر روسیه باور لري.