د جرمني پارلمان تېره ورځ ددغه هېواد د لومړۍ وزیرې په حضور کې پرېکړه وکړه، چې په افغانستان کې به یې د یوه بل کال لپاره هم ځواکونه حضور ولري. دوی پرېکړه کړې چې دغه پوځيان به د غوڅ ملاتړ ماموریت په چوکاټ کې د افغان ځواکونو روزنې او ملاتړ ته ادامه ورکوي. المان وايي دوی غواړي د افغانستان په پرمختګ، امنیت او ثبات کې خپلو همکاریو ته ادامه ورکړي. د المان پارلمان همدا راز ویلي چې په افغانستان کې د مېشتو سرتېرو شمېر یې تر ۱۳۰۰ کسانو پورې لوړېدلی شي. المان دمګړی د ۱۲۰۰ په شاوخوا کې سرتېري په افغانستان کې لري چې د غوڅ ملاتړ ماموریت په چوکاټ کې د افغان ځواکونو په روزنه او ملاتړ کې ونډه اخلي.
جرمني خپل نظامي ماموریت یو کال نور هم تمدید کړ
Get real time update about this post categories directly on your device, subscribe now.
- Trending
- Comments
- Latest
