ووټل:  امریکا له افغانستان خپل ۱۴۰۰ سرتېري وباسي

د امریکايي پوځ د مرکزي قومندانۍ قومندان جنرال جوزف ووټل له رویټرز سره په خبرو کې ویلي، امریکا غواړي له افغانستان خپل ۱۴۰۰ سرتېري وباسي. نوموړي ویلي ددغه سرتېرو د ایستلو مسئله د سولې له خبرو سره هېڅ راز اړیکه نه لري. دده په وینا دغه سرتېري په افغانستان کې د امریکايي ځواکونو د قومندان جنرال سکاټ مېلر په غوښتنه ایستل کېږي. دده په خبره سکاټ مېلر په افغانستان کې خپل ماموریت ارزولی دی نو له همدې امله یې پرېکړه کړې چې ۱۴۰۰ سرتېري به وباسي. ووټل وايي مېلر په دې باور دی، چې ددومره سرتېرو ایستل یې پر ماموریت منفي اغېز نه شي کولی. امریکا دمګړی ۱۴ زره سرتېري په افغانستان کې لري. دغه سرتېري د غوڅ ملاتړ ماموریت په چوکاټ کې د افغان سرتېرو روزنې او ملاتړ ته ادامه ورکوي.