افغان حکومت پاکستان ته د طالبانو د مذاکراتي ټیم د استازو په پر اعلان شوي سفر ملګرو ملتونو ته رسماً شکایت کړی دی. بي بي سي د هغه رسمي لیک متن ترلاسه کړی چې په ملګرو ملتونو کې د افغانستان دایمي استازولۍ په دې اړه د امنیت شورا د بندیزونو ځانګړې کمېټې ته استولی. په دې لیک کې ویل شوي چې پاکستان ته د طالب استازو د اعلان شوي احتمالي سفر په اړه له افغان حکومت سره هېڅ ډول سلا مشوره نه ده شوې او له طالبانو سره د پاکستاني چارواکو لیدنه به د دې ډلې په رسمیت پېژندنې په مانا وي. په لیک کې راغلي چې طالبان د افغانستان سوله او ثبات ګواښي، او پاکستان ته د تلونکي طالب پلاوي ۹ غړي د ملګرو ملتونو د بندیزونو په ځانګړي لېست کې دي. افغان حکومت په دې لیک کې پاکستان ته د طالبانو د اعلان شوي سفر په اړه ویلي، چې دغه ډول راپورونو افغانان اندېښمن کړي دي. په لیک کې د پاکستان پر حکومت هم غږ شوی چې د هغو ترهګرو ډلو پر ضد پرېکنده عمل وکړي چې د افغانستان، پاکستان او ټولې سیمې امنیت ګواښي. طالبان به راتلونکې اونۍ پاکستان ته ځي او هلته به له عمران خان او امریکايي استازي زلمي خلیلزاد سره ګوري.
حکومت ملګرو ملتونو ته د طالبانو د سفر په تړاو شکایت کړی
Get real time update about this post categories directly on your device, subscribe now.
Comments 1
- Trending
- Comments
- Latest
ملا دې ماته سي د بې شرف غني