د سولې عالي شورا د دارالانشا رییس محمد عمر داوودزي نن په یوه غونډه کې د خبرو پر مهال وویل، چې د سولې په اړه د مشورتي لویې جرګې د جوړلو چارې ګړندۍ دي. دده په وینا په دې جرګه کې به لږ تر لږه ۲ زره کسان ګډون وکړي. نوموړي زیاته کړې چې ددې ګډونکوونکو له ډلې به ۳۰ سلنه مېرمنې وي او د افغان ښځو استازیتوب به کوي. عمر داوودزي زیاته کړې، د سولې د مشورتي لویې جرګې ستره موخه دا ده، چې وکړی شي د سولې په اړه په ټول هېواد کې یو واحد دریځ او ملي اجماع رامنځ ته شي. دده په خبره په افغانستان کې ددایمي سولې لپاره نړیواله اجماع رامنځ ته شوې ده او ټول ددې پلویان دي چې دلته روانه جګړه د مذاکراتو پر مټ د تل لپاره پای ته ورسول شي.
عمر داوودزی: د لویې جرګې رابللو موخه د سولې په اړه د واحد نظر رامنځته کول دي
Get real time update about this post categories directly on your device, subscribe now.
- Trending
- Comments
- Latest
