اجراییه رییس لا هم د محقق د دندې پر دوام ټینګار کوي

اجراییه رییس عبدالله عبدالله نن د وزیرانو شورا ناستې ته په خبرو کې ویلي چې په لویو مسایلو کې په ځانګړې توګه په هغو مسایلو کې چې د ملي وحدت حکومت مشروعیت تر پوښتنې لاندې راولي باید په مشوره او متقابل احترام پرېکړې وشي. هغه ویلي ملي یووالی یو مطرح حکومت دی چې په سر کې یې ولسمشر دی او اجراییه ریاست هم په ټولو پرېکړو کې ځانګړی رول لري، نو بناً په لوړو مسایلو کې باید یو شخص پرېکړه ونه کړي او په دې اړه په پوره دقت او مشوره ګام واخیستل شي. ظاهراً د هغه اشاره د اجراییه ریاست د دویم مرستیال محمد محقق عزل ته وه چې ولسمشر څه موده وړاندې له دندې ګوښه کړ خو نوموړي دا پريکړه ونه منله او اجراییه ریاست هم تر اوسه د هغه د کار پر دوام ټینګار کوي.