یو این ایچ سي ار: نږدې ۶ زره زلزله ځپلو کورنیو سره مو بېړنۍ مرسته کړې

د کډوالو په چارو کې د ملګرو ملتونو عالي کمېشنرۍ ( یو این ایچ سي ار) خبر ورکړی، چې دغه بنسټ د کونړ له نږدې ۶ زرو زلزله ځپلو کورنیو سره د زرګونو خیمو په ګډون بېړنۍ مرستې کړې دي. یاد سازمان پر خپله اېکس‌پاڼه لیکلي چې دا مرستې د «سي‌اېچ‌ای» په همکارۍ وېشل کېږي او موخه یې د اغېزمنو او اړمنو کورنیو لاسنیوی دی. ملګرو ملتونو دغه بنسټ زیاته کړې، چې مرستندویه کاروانونه توانېدلي چې د کونړ ډېرې لرې پرتې سیمې هم تر پوښښ لاندې راولي. په دې مرستو کې خیمې او نور اړین توکي دي چې پر بېځایه شویو او اغېزمنو کورنیو وېشل کېږي. په داسې حال کې ده چې نړیوالو بنسټونو خبرداری ورکړی چې د افغانستان په ختیځ کې زلزله ځپلي بېړنیو خوړو، درملو او سرپناه ته اړتیا لري او نورې زلزلې کولی شي انساني بحران شدید کړي.