په کندهار کې د وطني تولیداتو د معرفۍ او بازارموندنې په موخه د «انار» په نوم درېورځنی نندارتون پرانیستل شو. په دغه نندارتون کې د ښځو لاسي صنایع، خوراکي او غیـرخوراکي توکي، ساختماني وسایل، روغتیايي او کرنیز درمل، لبنیات او نور کورني تولیدات نندارې ته وړاندې شوي دي. یاد نندارتون د سوداګرۍ وزارت په همکارۍ او د کډوالۍ نړیوال سازمان په مالي ملاتړ جوړ شوی، چې د تنظیموونکو په وینا موخه یې د کورنیو تولیداتو لپاره د بازار موندنه او د بهرنیو توکو پر ځای د ملي تولیداتو د کارونې هڅونه ده.د چارواکو په وینا، دا ډول نندارتونونه د کورنیو محصولاتو د معرفۍ او د خلکو د باور د پیاوړتیا لپاره اغېزمن ثابت شوي دي.
کندهار د «انار» په نوم درېورځنی نندارتون پرانیستل شو
Get real time update about this post categories directly on your device, subscribe now.
- Trending
- Comments
- Latest
