افغانستان د هغو هېوادونو په کتار کې دی چې د لوږې له بحران سره مخ دي

د خوړو نړیوال پروګرام (ډبلیو ایف پي) راپور ورکړی، چې افغانستان د هغو هېوادونو په کتار کې دی چې د لوږې له شدید بحران سره مخ دي. یاد سازمان په راپور کې خبرداری ورکړی چې د بودیجۍ کمښت ښايي په نړۍ کې د لوږې ناورین لا ژور کړي او راتلونکی کال به څه باندې ۳۰۰ میلیونه وګړي د خوړو له ناامنۍ سره مخ وي. د راپور له مخې، افغانستان، غزه، الفاشر، سوډان، یمن، سوریه، سوېلي سوډان، د افریقا په ختځ کې ساحل سیمه، کانګو ډیموکراتیک جمهوریت، هاییتي او نایجریا د لوږې له شدید ناورین سره مخ دي. په خپاره شوي راپور کې اټکل شوی چې په ۲۰۲۶ کال کې به ۳۱۸ میلیونه وګړي د «بحران» کچې یا له دې بدتره حالت سره مخ شي.