د سولې عالي شورا وایي، په پلان کې ده چې په ایران کې د افغان کډوالو استازي هم د سولې په اړه مشورتي لویه جرګه کې چې ټاکل شوې د راتلونکي کال د ثور میاشتې په ۹مه نیټه جوړه شي ګډون وکړي. د سولې شورا د دارالانشا رییس عمر داودزی او ورسره پلاوی چې دا مهال په ایران کې دي په هغه هېواد کې یې د افغان کډوالو له استازو سره د مشورتي لویې جرګې په اړه خبرې کړي دي. د سولې شورا ویاند سید احسان طاهري وایي په ایران او پاکستان کې د مېشتو افغان کډوالو استازي به هم په جوړېدونکې جرګه کې د ګډون لپاره راوبولي. هغه وویل په دې جرګه کې د هغوی له ګډون نه موخه دا ده څو ټول افغانان په هېواد کې د سولې په اړه خپل نظرونه وړاندې کړي. د کډوالو او ستنېدونکو چارو وزارت د معلوماتو له مخې دا مهال ۲.۴ میلیونه افغان کډوال په ایران او ۲.۴ میلیونه نور په پاکستان کې د کډوالۍ ژوند تېروي.
د سولې شورا: مشورتي لویې جرګې ته د افغان کډوالو استازي هم رابولو
Get real time update about this post categories directly on your device, subscribe now.
- Trending
- Comments
- Latest
