د کندوز ولایت په مرکز کې د تېرې شپې په عملیاتو کې د درییو کورنیو ۱۲ ملکي وګړي وژل شوي دي. دا عمليات له تېرو درېيو ورځو راهيسې د کندوز ښار اړونده سيمو کې روان دي. د کمدوز ښار د تلاوکې سيمې اوسېدونکو د امام صاحب د بندر په سيمه کې لاريون کړی او ادعا يې کړې چې د تېرې شپې په عملياتو کې ملکي وګړي وژل شوي دي. دوی زیاتوي چې په دغو بريدونو کې د ښځو او ماشومانو په ګډون ١٢ کسان وژل شوي او يو ټپي دى. دوى نن خپل مړي د ولايت مخې ته وړل، خو د امام صاحب په بندر کې امنيتي مسوولينو اجازه ورنه کړه. د کندوز ولايتي شورا غړي مولوي خوش محمد نصرتيار چې د لاريون سيمې ته ورغلى و، ملکي تلفات یې تاييد کړي دي. په کابل کې د امريکايي ځواکونو مطبوعاتي دفتر ويلي، دوى د ملکي تلفاتو ادعاوې جدي نيسي او په اړه يې څېړنې کوي.
کندوز کې د ملکي تلفاتو غبرګون کې لاريون شوی
Get real time update about this post categories directly on your device, subscribe now.
- Trending
- Comments
- Latest
