جان سوپکو: په مالي برخه کې؛ پر امریکا د افغان حکومت ډېره اتکا د اندېښنې وړ ده 

د افغانستان د بیا رغونې لپاره د امریکا ځانګړي سرمفتش جان سوپکو په واشنګټن کې خبریالانو ته ویلي، ټول سوله غواړي خو ځینې اندېښنې هم شته چې ممکن د سولې له تړون سره ځینې کسان خپه هم شي او په دې هېواد کې یوې نوې بې ثباتۍ ته لار پرانیستل شي. هغه ویلي امریکایانو په افغانستان کې تر یو ټریلیون ډېرې پیسې لګولې دي او که چېرته د سولې تړون له غلط مدیریت سره مخ شي ښایي د دوی ټولې ۱۷کلنې لاسته راوړنې له خطر سره مخ شي. سوپکو ویلي، افغان حکومت د افغان امنیتي ځواکونو معاشونو لپاره د پیسو د برابرولو په برخه کې پر امریکا متکي دی، چې هغه دا اتکا تر ټولو زیاته د اندیښنې وړ ګڼلې ده.