د اروزګان د مرکز ترينکوټ او دوو نورو ولسواليو لپاره ۴۵۰ کسيزه سيمه ييزه اردو په وسلو سمباله او فعاليت يې پيل کړی دی. ځايي چارواکي وايي چې دغه سرتېري به د خپلو سيمو د امنیت تامین دنده پر غاړه ولري. د اروزګان والي اسعدالله سعيد د سیمه ییزې اردو د لومړۍ ټولۍ لسګونو سرتېرو ته د فراغت او دندې سپارلو پرمهال وویل، دوی ته د خپلې سيمې امنیت ورسپارل شوی او باید هڅه وکړي چې خپلې دندې په ښه توګه ترسره کړي. د نوموړي په وينا، دغه کسان به په څلورو ټولیو کې چې هره ټولۍ ۱۱۳ سرتېري لري، د ملي اردو د يو افسر تر قوماندې لاندې د سیمې امنیت ټينګ کړي. د يادونې ده چې د ملي دفاع وزارت په چوکاټ کې سيمه ييزې اردو په يو شمېر نورو ولايتونو کې هم فعاليتونه پيل کړي دي.
اروزګان کې په لومړي ځل سيمه ييزې اردو فعاليت پيل کړی
Get real time update about this post categories directly on your device, subscribe now.
- Trending
- Comments
- Latest
