د پاکستان لومړی وزیر وایي د تورخم دروازه به ۲۴ ساعته د تګ راتګ پر مخ پرانیستې وي. د پاکستان لومړي وزیر تېره ورځ په یوه ټوېټ پیغام کې ویلي چې تورخم دروازه د افغانستان او پاکستان ترمنځ د سوداګرۍ او راشې ورشې مهمه لار ده. دده په وینا د دواړو خواوو ولسونو د اقتصادي ودې او سوداګرۍ د پراختیا په موخه باید دغه دروازه ۲۴ ساعته پرانیستې وي. تر دې وړاندې پاکستاني پولیسو د سهار له ۶ د ماښام تر اوو بجو پورې خلکو ته د تګ راتګ اجازه ورکوله. څه موده وړاندې بیا د فرضي کرښې دواړو غاړو ته پرتو ولسونو د پاکستان له حکومت وغوښتل چې پر ډیورنډ فرضي کرښه دې خپل نظامي تاسیسات له منځه یوسي. دوی همدا راز ددې غوښتونکي شول چې ولسونه دې له وېزې پرته تګ راتګ وکړی شي او د پاسپورت او وېزې ښودلو پروسه دې ختمه شي. پاکستاني حکومت تر اوسه د خلکو دغه غوښتنې ته غبرګون نه دی ښودلی.
عمران خان: تورخم دروازه دې ۲۴ ساعته د تګ راتګ پرمخ خلاصه وي
Get real time update about this post categories directly on your device, subscribe now.
- Trending
- Comments
- Latest
