رویټرز: طالبان تر اوربند مخکې د ځواکونو وتل غواړي خو امریکا یې نه مني

په کابل کې امریکايي چاروکو ویلي دي چې طالبان غواړي تر اوربند مخکې بهرني ځواکونه په مکمله توګه له افغانستانه ووځي خو امریکایان یې ورسره نه مني. امریکايي چارواکو رویټزرز خبرې اژانس ته ویلی چې امریکا په افغانستان کې تلپاتې اډې نه غواړي، خو دا هم نه شي منلی چې تر اوربند مخکې افغانستان پرېږدي. دغو چارواکو ویلي دي چې د دوي هیله په افغانستان کې امن راوستل او د امن راتلو وروسته له نوي حکومت سره دوامداره همکاري ده. په ورته وخت کې د افغانستان او پاکستان لپاره د امریکا ځانګړي استاذي جېمز ډابینز د یوې مرکې پر مهال ویلي چې امریکا غواړي تر وتو وروسته یو پیاوړی افغانستان وویني. ډابینز وايي تمه لري چې ټرمپ له افغانستانه د خپلو ځواکونو په وتلو کې بېړه ونه کړي ځکه د هغه په باور کې هغه داسې وکړي نو افغانستان به یو ځل بیا د نړیوالو ترهګرو پر امن ځاله بدل او د افغانستان په ګډون به نړیوال امنیت وګواښي. دا په داسې حال کې ده چې نیویارک ټایمز ورځپاڼې هم د یو راپورو په خپرولو سره پر ټرمپ غږ کړی وو چې د ولسمشر غني او ټولو افغانانو اندېښنو ته تر ځواب ویلو وروسته باید د ځواکونو پر وتلو فکر وکړي.