د کندوز اوسېدونکي وايي چې په دې وروستیو کې وخت ناوخت د شپې پر مهال د کندوز ښار پر امنیتي حوزو بریدونه کېږي چې د خلکو اندېښنې یې پارولې دي. د کندوز د ولایتي شورا مرستیال صفي الله امیري وایي، چې همدا وړمه شپه هم د کندوز ښار پر دویمه امنیتي حوزه برید وشو، چې نښتې دوه ساعته ادامه لرله. دده په خبره نښته ځاني تلفات نه لري خو مالي زیانونه یې خلکو ته اړولي دي. د کندوز سرپرست امنيه قوماندان سمونمل صفي الله محزون بیا ويلي چې طالبانو د شينوارو په سيمه کې پر امنيتي پوستې بريد کړى و خو بريد يې پر شا تمبول شوى دى. هغه ډاډ ورکړی چې امنیتي ځواکونه د تهدیدونو پر وړاندې د مقابلې وړتیا لري او د وسله والو طالبانو هر ډول بریدونه به پر شا وتمبوي.
په کندوز ښار کې نښتو خلک اندېښمن کړي دي
Get real time update about this post categories directly on your device, subscribe now.
- Trending
- Comments
- Latest
