روانه میاشت ۷۰۰ امریکايي عسکر له افغانستان وځي

ټاکل شوې چې روانه میلادي میاشت سلګونه امریکايي عسکر له افغانستان ووځي. د امریکايي رسنیو د راپورونو له مخې په روانه فبرورۍ میاشت کې به ۷۰۰ امریکایي عسکر له افغانستان وځي. دغه عسکرو ۹ میاشتې په افغانستان کې ماموریت ترسره کړی دی او اوس به په همدې روانه میلادي میاشت کې په دوو جوپو کې امریکا ته لېږل کېږي. امریکايي رسنیو نه دي ویلي چې ددغه سرتېرو پر ځای به نور سرتېري افغانستان ته رالېږل کېږي کنه. دغه سرتېري داسې مهال له افغانستان ستنېږي چې د امریکا ولسمشر له افغانستان د خپلو سرتېرو د ایستلو پرېکړه کړې ده. هغه پخپلو وروستیو څرګندونو کې ویلي چې له افغانستان د سرتېرو ایستلو ته جدي دی او غواړي روانه جګړه د خبرو له لارې پای ته ورسوي.