لویې څارنوالۍ کې یوه سرچینه وایي، چې په پلازمېنه کابل کې پر انټرکانټیننټال هوټل د برید زمینې مساعدولو په تور اته کسان د محکمې لخوا مجرم پېژندل شوي او بند ته لېږدول شوي دي. سرچینه زیاتوي اته نور کسان هوټل ته د چاودېدونکو توکو لېږد او همداراز پر هوټل د برید لپاره د اسانتیاو برابرولو په تړاو د محکمې لخوا مجرم پېژندل شوي دي. سرچینه زیاتوي چې د اتو تنو له ډلې درې یې په ۲۰ او پنځه نور یې په ۲۲ کاله بند محکوم شوي دي. د تېر کال د مرغومې میاشتې ۳۰ نېټه یو شمېر وسله والو په کابل کې پر انټرکانټیننټال هوټل برید وکړ او کابو ۱۷ ساعته له افغان ځواکونو سره په نښته بوخت وو. په دې برید کې ۱۸ کسانو ژوند له لاسه ورکړ او شپږ تنه نور تپيان شول. پر یاد هوټل ۲۰۱۱ زیږدیز کال کې هم وسله وال برید شوی وو چې په ترڅ کې یې ۱۲ تنه وژل شوي وو.
پر انټرکانټیننټال هوټل د برید په تور؛ لویې څارنوالۍ اته کسان پر بند محکوم کړي
Get real time update about this post categories directly on your device, subscribe now.
- Trending
- Comments
- Latest
