سیګار په خپل یوه وروستي راپور کې ویلي چې افغان پوځ د ټولو بلک هاک الوتکو د ساتلو او کارولو وړتیا نه لري نو د امریکا ددفاع وزارت باید دې خبرې ته متوجه وي. سیګار وايي امریکا دمګړی افغان پوځ ته ۱۶ بلک هاک الوتکې ورکړې دي او ټاکل شوې چې دغه شمېره تر ۲۰۲۳ کال پورې ۱۵۹ الوتکو ته ورسېږي. خو سیګار وايي تر دغه مودې پورې به افغان پوځ و نه شي کړی چې کافي انجنیران او پیلوټان وروزي نو ځکه پنټاګون ته په کار ده، چې په دې برخه کې بیا کتنه وکړي. سیګار وايي امریکا هڅه کوي چې افغان پوځ ته د روسي الوتکو پر ځای امریکايي الوتکې ورکړي نو له همدې امله یې د بلک هاک الوتکو د ورکړې لړۍ پيل کړې ده.
سیګار: افغان پوځ د بلک هاک الوتکو کارولو وړتيا نه لري
Get real time update about this post categories directly on your device, subscribe now.
- Trending
- Comments
- Latest
