د امریکا دیموکرات سناتورانو د متحده ایالتونو د بهرنیو چارو وزارت ته یو لیک استولی او په هغه کې یې غوښتنه کړې چې د افغانستان د سولې په برخه کې دې د ښځو ونډه له پام نه غورځول کېږي. په لیک کې راځي، افغان پوځیانو د افغان ښځو د حقونو خوندیتوب لپاره قربانۍ ورکړې دي او دغه قربانیو ته دې د قدر په سترګه وکتل شي. دوی غوښتنه کړې چې ښځو ته دې د سولې په ټولو خبرو او مذاکراتو کې د ګډون زمینه برابره کړل شي او دوی ته دې اجازه ورکړل شي چې له خپلو حقونو دفاع وکړي. تر امریکایي دیموکراتانو وړاندې په کور د ننه هم د ښځو د حقونو فعالو بنسټونو ویلي چې سوله باید ددوی حقوق خوندي کړي او د افغان ټولنې دغه طبقې ته باید د سولې په مذاکراتو کې ونډه ورکړل شي.
