پکتیا کې؛ د افغان ځواکونو او پښتونژغورنې غورځنګ په ملاتړ لاریون شوی

د پکتیا په څمکنیو ولسوالۍ کې د افغان ځواکونو او پښتون ژغورنې غورځنګ په ملاتړ لاریون شوی دی. لاریون کې د څمکنیو تر څنګ د پټان لجه منګل او جاني خيلو لسګونه اوسیدونکو ګډون درلود. لاریون کوونکو د افغان ځواکونو او پښتون ژغورنې غورځنګ په ملاتړ شعارونه ورکول او دغه راز یې ویلي چې د ملي اردو د منحل کیدو اجازه چاته نه ورکوي او د سر په بیه ترې ملاتړ کوي. لاریون کوونکو دغه راز ویلي چې پاکستان کې دې د پښتنو وژل او ځورول بند کړي. دا په داسې حال کې ده چې د کورنیو چارو پخواني سرپرست وزیر امرالله صالح ویلي چې په پښتونخوا او کابل کې ټول خلک له یوه درده ځورېږي او پر ټولو مدني فعالانو یې غږ کړی دی چې د پښتون ژغورنې غورځنګ ملاتړ وکړي.