یو این ایچ سي ار: افغانستان ته راستنېدونکي له سخت ژمي سره مخ دي

د کډوالو په چارو کې د ملګرو ملتونو عالي کمېشنرۍ (یو این ایچ سي ار) راپور ورکړی چې روان میلادي کال له ایران او پاکستانه څه باندې ۲.۶ میلیونونه افغانان راستانه شوي دي. یاد بنسټ ویلي، چې ډېری کسان په جبر یا د فشار له کبله راستنېدو ته اړ شوي دي. د راپور له مخې، ګڼ راستنېدونکي له سخت ژمي او ناڅرګند راتلونکي سره مخ دي.  د ملګرو ملتونو دغه بنسټ په خبره، ګڼو کورنیو چې د وروستیو زلزلو له کبله یې کورونه ویجاړ شوي، اوس په پرانېستې چاپېریال کې له سرپناه پرته شپې سبا کوي او له منفي ۲۵ درجې یخنۍ سره مخ دي. د کډوالو په چارو کې د ملګرو ملتونو عالي کمېشنرۍ ټینګار کړی چې ډلې یې په افغانستان کې دننه او پولو کې فعالې دي او له همکارو بنسټونو سره په ګډه راستنېدونکو ته د خیمو، ګرمو جامو، خوراکي توکو، درملو او نغدو پیسو په وېشلو بوخت دي.