له نيپال سره د چین د مرستو درېيمه جوپه د سپتمبر د درېیمې نېټې په ماسپښين د نيپال پلازمېنې کتمندو ته ورسېده. د مرستو په دې جوپه کې خېمې، کمپلې، د مړو د ساتلو يخچالونه، طبي محافظتي جامې او د سپوږمکۍ مخابراتي تجهیزات شامل دي. دغه راز د چين د (DNA) پېژندنې د متخصصینو يوه بله لس کسیزه ډله هم په همدې الوتکه کې کتمندو ته رسېدلې او د نيپال په مصیبت ځپلو سيمو کې به د ژغورنې له عملیاتو سره همکارۍ پيل کړي.
د چين د بهرنيو چارو وزارت وياند ګوه جيا کون د همدې ورځې په سهار په یوه مطبوعاتي غونډه کې وويل، چې چین به د نیپال د اړتیاوو پراساس بېړنیو مرستو ته او همدارنګه د ژغورنې په برخه کې به همکاريو ته دوام ورکړي.
