روژه نیول مو له سرطان او شکرې ناروغۍ ژغوري

 روغتیايي کارپوهان هم اوس پر دې باور شوي چې که په میاشت کې یوازې پنځه ورځې روژه ونیول شي، نو انسان له سرطان، شکرې او د زړه له ناروغیو ژغوري. د نړۍ مشهور لوبغاړي او ټول هغه کسان چې غواړي وزن او په بدن کې د شته غوړیو اندازه کمه کړي، نو کوښښ کوي چې په اونۍ کې دوې ورځې روژه او یا هم یوازې په اوبو اکتفا وکړي. دغه څه په بدن کېد  شته غوړیو د اندازې په کمولو سره د انسان اضافي وزن کموي. د خوړو د اندازې کمولو او یا روژې نیولو سره په بدن کې د انسولین حساسیت چې د شکر اصلي لامل ګڼل کېږي، بهتره کیږي. پر دې سربېره د هاضمې سیسټم په بهتره کولو کې هم مهم رول لوبوي. په مختلفو هېوادونو کې له څېړنو وروسته ثابته شوه چې روژه او یا لږ خوراک د زوړوالي پروسه له ځنډ سره مخ کوي او لږ خواړه خوړوونکي او سخت فزیکي کارکوونکي خلک اوږد ژوند لري.