د میدان وردګو ولایت د نرخ ولسوالي د صدمردې سیمې اوسېدونکي وایي چې تېره شپه ګډو ځواکونو په یاده سیمه کې پر یوه کور چاپه وهلې او د یوې ښځې او یوې نجلۍ په ګډون یې شپږ کسان وژلي دي. د سیمې اوسېدونکي چې په پېښه کې د وژل شویو کسانو جسدونه یې هم ورسره د ولسوالۍ بازار ته راوړي وو د حکومت پر ضد یې شعارونه ورکول او د ورته بریدونو د ژر تر ژره بندېدو غوښتنه یې کوله. د میدان وردګو د والي ویاند محب الله شریف زوی په سیمه کې د عملیاتو پخلی کوي، خو په دې پېښه کې ملکیانو ته د اوښتې مرګ ژوبلې په اړه بې خبري ښیي. د سیمې اوسېدونکي وایي چې عملیات د یو چوکیدار پر کور شوي دي چې له وسله والو سره یې هیڅ اړیکې نه لرلې.
په نرخ کې ملکي وګړو ته مرګ ژوبله اوښتې ده
Get real time update about this post categories directly on your device, subscribe now.
- Trending
- Comments
- Latest
