د هېواد په ۱۵ ولایتونو کې د سختو ورښتونو اټکل شوی

د ټرانسپورټ او هوايي چلند وزارت د هوا پېژندنې ادارې نن او سبا د هېواد په ۱۵ ولایتونو کې د تېز باران، تالاندې برېښنا، تېزو بادونو او سېلابونو راوتلو اټکل کړی. دغې ادارې ویلي، چې په یادو ولایتونو کې نورستان، کونړ، ننګرهار، لغمان، کابل، کاپیسا، پنجشېر، پروان، لوګر، غزني، میدان وردګ، زابل، پکتیا، خوست او پکتیکا شامل دي. د سرچینې په وینا په بېلابېلو برخو کې د اورښت کچه له ۱۰ تر ۳۵ ملي مترو وړاندوینه شوې ده.