ننګرهار کې سېلابونو خلکو ته درانه مالي او ځاني زیانونه اړولي

د ننګرهار ولایت په څلور ولسوالیو کې د سختو اورښتونو له امله سېلابونه راوتلي، چې له کبله یې خلکو ته مالي او ځانې زیانونه اړولي دي. دغه سېلابونه د یاد ولایت په لعلپورې، مومندرې، ښېوې او شیرزادو ولسوالیو کې رواتلي چې له امله یې خلکو ته د ګڼ مالي او ځانې زیانونه اړولي دي. په یاو سیمو کې لاهم سېلابونه روان دي او تر دې مهاله په کې د یوې ماشومې د مړینې خبر تائید شوی، خو د ټولو اوښتو زیانونو په هکله کره معلومات نه دي ورکړل شوي. په ورته وخت کې سیمه‌ ییزو چارواکي له خیریه بنسټونو، مرستندویه ادارو او اړوندو دولتي ارګانونو غوښتي، چې د سېلاب ځپلو خلکو لاسنیوی وکړي او د هغوی بېړنۍ اړتیاوو پوره کولو لپاره لاس په کار شي.