د ایران مذهبي مشر د هغو هزاره توکمو مننه کړې چې د ایران لپاره یې په سوریه کې جګړه کړې ده. د ایران مذهبي مشر آیت الله خامنه یې په مشهد کې د هغو هزاره توکمه افغانانو له کورنیو سره کتلي، چې د سوریې په جګړه کې وژل شوي دي. دده په خبره فاطمیون ډله د ایران لپاره ډېره ګټوره تمامه شوې ده او تل یې د ایران ددفاع لپاره قربانۍ ورکړې دي. د افغانستان هزاره توکمه وګړي د سپاه پاسداران تر مشرۍ لاندې په فاطمیون ډله کې راټول شوي او په سوریه کې د بشار الاسد د رژیم ددفاع لپاره د ایران په لارښوونه جګړه کوي. آیت الله خامنه يي ویلي، چې دوی د ایران په ازادۍ او د امریکا په ماتې کې ګټور تمام شوي دي او دی یې له کورنیو مننه کوي. ویل کېږي چې د سوریې په جګړه کې تر ۲ زره پورې هغه افغان کډوال وژل شوي چې د ایران سپاه پاسداران د سوریې جګړو ته لېږلي وو. فاطمیون ډله لا هم د ایران د سپاه پاسداران تر لارښوونه لاندې په سوریه کې جګړه کوي.
آیت الله خامنه يي: له هزاره وروڼو مننه چې زموږ لپاره یې جګړې کړې دي
Get real time update about this post categories directly on your device, subscribe now.
- Trending
- Comments
- Latest
