د بګرام هوايي اډې ته څېرمه په یوه ځانمرګي برید کې څلور امریکایي عسکر وژل شوي دي. د راپورونو له مخې تېره ورځ ناوخته د پروان ولایت په بګرام کې د امریکا یوې سترې نظامي اډې ته نږدې د امریکايي ځواکونو پر کاروان موټر بم برید شوی دی. په دې پېښه کې ۳ امریکایي عسکر او ددوی یو قراردادي وژل شوي دي. د بګرام ولسوال عبدالشکور قدوسي هم پېښه تاییدوي او وایي، ځانمرګي بریدګر د امریکايي ځواکونو د موټرونو هغه کاروان په نښه کړی، چې بګرام اډې ته روان و. دده په خبره په پېښه کې څلور امریکایان وژل شوي او درې نور ټپیان دي. وسله والو طالبانو بیا د یوې اعلامیې په خپرولو سره ددغه برید مسوولیت منلی دی او ددرنې مرګ ژوبلې د اړولو ادعا یې کړې ده.
بګرام کې؛ ځانمرګي برید کې څلور امریکایان وژل شوي دي
Get real time update about this post categories directly on your device, subscribe now.
- Trending
- Comments
- Latest
