حامد کرزی: هلمند کې وروستۍ ناوړه پيښه د ملي او افغاني ارزښت خلاف ده

پخواني ولسمشر حامد کرزي د هلمند په باباجی سیمه کې نظامي عملیات چې په نتیجه کې یې د ملکي خلکو د مرګ ژوبلې ترڅنګ، کورنیو ارزښتونو ته هم پکښې بې احترامي شوې په ډېرو سختو الفاظو غندلې.
کرزي دغه غیر افغاني او بشري ضد عمل د افغاني ټولنې له ټولو ارزښتونو او رسومو سره مطلقاً په تضاد کې بللی او له حکومت څخه يې غوښتي چې په دغې پېښې کې نیول شوي کسان په ډېر عزت او احترام سره ژر تر ژره خوشې او د افغانانو پر کلیو او کورونو هر راز نظامي عملیات بند کړي.