د حکمتيار په مشرۍ ټاکنيز ټيم هلمند کې ناوړه پيښه غندلې ده

د حکمتيار په مشرۍ د سولې او اسلامي عدالت په نوم ټاکنيز ټيم ، په يوه خپره کړې اعلاميه کې هلمند کې وروستۍ ناوړه پيښه په کلکو ټکو غندلې ده،
ددغه ټاکنيز ټيم لومړي مرستيال فضل الهادي وزین ټینګار کړی دی چې ،د دې نه بښل کېدونکي جنایت مرتکبین باید د خپلو ناوړه اعمالو په سزا ورسول شي او محکمې ته راکش کړل شي ترڅو د بل ځل لپاره د ولسي خلکو د کورونو له حرمت او د خویندو میندو له عزت سره لوبې ونکړي
ښاغلي وزین څرګنده کړې ده چې حکومتی چارواکي باید د تاریخ له پېښو د عبرت درس واخلي او هر هغه چا چې د افغانانو د ناموس او مقدساتو ته سپکاوی کړی دی د ،ولس د قهر او انتقام په اور کښې سوځېدلي دي.