د سولې او اعتدال ټاکنیزه ډله: حکومت دې د هلمند پېښې په اړه خلکو ته وضاحت ورکړي

د هېواد د ملي امنیت د پخواني سلاکار محمد حنیف اتمر په مشرۍ د سولې او اعتدال ټاکنیزه ډله وایي، له میرمنو سره هر ډول ناسم چلند، چې تر هر عنوان لاندې وي له اسلامي ارزښتونو او افغاني عنعناتو سره برابر نه دی او دوی یې په کلکه غندي. د یاد ټیم له خوا په خپرې شوې اعلامیه کې راغلي، حکومت باید په هلمند کې د وروستۍ پېښې په اړه خلکو ته وضاحت ورکړي څو خلک پوه شي چې رښتیا څه دي. د سرچینې په خبره، دوی له حکومت څخه غوښتنه کوي چې د سیمې د استازو په ګډون یو باصلاحیته او بې طرفه پلاوی ژر تر ژره په دنده و ګماري ترڅو سیمې ته لاړ شي او دا پیدا کړي، چې حقیقت څه دی.