د هلمند په ګرشک ولسوالۍ کې د چاودنې له امله د شپږو ماشومانو په ګډون ١٢ ملکي وګړي ټپيان شوي دي. د هلمند د والي وياند عمر ځواک ويلي پېښه پرون له ماښام وروسته اووه بجې د ګرشک ولسوالۍ بازار ته څېرمه رامنځته شوه. هغه زياته کړه چې وسله والو مخالفينو پر يو ملکي موټر چسپکي ماين نښلولى و چې د چاودنې له امله يې د يوه ماشوم په ګډون ١٢ ملکي وګړي ټپيان شوي دي. ځواک وايي چې د چاودنې ټپيان د موټر سپرلي او د سړک پر غاړه ولاړ عام خلک وو چې روغتون ته لېږدول شوي دي. د هلمند والي تورن جنرال محمد ياسين خان د پېښې د غندلو تر څنګ د ګرشک ولسوالۍ روغتيايي مسوولينو ته سپارښتنه کړې چې د ټپيانو سمه درملنه وکړي. د دې چاودنې مسووليت تر اوسه چا پر غاړه نه دى اخيستى.
په هلمند کې چاودنې ۱۲ ملکیان ټپیان کړي دي
Get real time update about this post categories directly on your device, subscribe now.
- Trending
- Comments
- Latest
