د افغانستان د ملي دفاع وزارت په کونړ ولایت کې د داعش ډلې پر وړاندې د پراخو عملیاتو د پیل خبره کوي. که څه په کونړ ولایت کې د داعش ډلې د فعالیتونو په اړه اندېښنې شته، خو اوس د افغانستان ملي دفاع وزارت وایي چې افغان امنیتي هوایي ځواکونو د حملو په ترڅ کې دغې ډلې ته درنه مرګ ژوبله اوښتې ده. د دفاع وزارت مرستیال ویاند محمد زبیر عارف وایي، د داعش پر تعلیمي مرکز د افغان امنیتي هوايي ځواکونو د دوو حملو په ترڅ کې د کونړ ولایت د چپې درې ولسوالۍ د دیګل سر سیمه کې ددې ډلې ۴۳ غړي وژل شوي دي. زبیر وایي، افغان امنیتي ځواکونو په ننګرهار ولایت کې هم د داعش ډلې پر وړاندې پراخ عملیات پیل کړي دي.
افغان حکومت وایي په کونړ کې یې داعش ډلې ۴۳ غړي وژلي
Get real time update about this post categories directly on your device, subscribe now.
- Trending
- Comments
- Latest
