باجوه: د افغان شخړې ښکېل اړخونه دې روژه کې اوربند وکړي

د پاکستان پوځ افغانستان کې د سولې له روانو هڅو ملاتړ کړی او ډاډ یې ورکړی دی چې هېواد به یې د افغان سولې او ثبات لپاره خپلو هڅو ته دوام ورکړي. د پاکستان د پوځ مشر جنرال قمر جاوید باجوه د پوځ له لوړرتبه جنرالانو سره په غونډه کې د افغان سولې له روانو هڅو ملاتړ اعلان کړی دی او زیاته کړې یې ده چې پاکستان په سیمه کې د امن لپاره له هر پورته کېدونکي ګامه بشپړ ملاتړ کوي. نوموړي په یاده غونډه کې پر افغان حکومت او طالبانو غږ کړی دی چې د روژې میاشت کې دې اوربند وکړي خو طالبانو تر دې وړاندې لا په روژه کې د جګړې پر دوام ټینګار کړی دی. باجوه د افغان حکومت هغې ادعا ته په اشارې چې وایي طالبان پاکستان په لاس کې اخیستې دي او هر هغه څه چې هغوی ورته ووایي طالبان یې کوي خو باجوه ویلي طالبان هغه ډله ده چې د افغانستان پر تر نیمایي زیاته خاوره واک لري او د دوی خبرو ته غوږ نه ږدي. هغه دغه راز د خبرو له لارې د افغان شخړې پر حلولو ټینګار کړی دی.