نشنل انټرسټ: امریکا باید په افغانستان کې تر ټولو اوږده جګړه پای ته ورسوي

نشنل انټرسټ امریکايي نشریه وایي اوس ددې وخت دی چې امریکايي حکومت په افغانستان کې خپله روانه تر ټولو اوږده جګړه پای ته ورسوي او د امریکايي وګړو له اوږو دا دروند بار سپک کړي. نشریه زیاتوي نه یوازې دا چې د افغان جګړې د پای ته رسولو وخت دی، بلکې امریکايي حکومت ته په کار ده، چې د جګړو ټولې سرچینې له منځه یوسي. سرچینه کاږي، چې مخدره توکي، فساد، کمزورې حکومتولي او ورته موارد هغه څه دي چې په افغانستان کې جګړې اوږدولی او تغذیه کولی شي نو د پورته مواردو له منځه وړل هم افغانستان دایمي ثبات ته نږدې کولی شي. په مطلب کې وړاندې راځي، چې امریکايي او افغان وګړي نور له جګړو ستړي شوي او دوی باید پر خپلو حکومتونو د فشار له لارې د جګړې د درولو او ختمولو غوښتنه وکړي.