د دایکنډي ولایت په نومېش ولسوالۍ کې پر یوه مسافر وړونکي موټر د ماین چاودنې له امله اووه کسان وژل شوي او څلور نور ټپیان دي. د نومېش ولسوال حاجي بال خان وايي چې دغه پېښه نن سهار رامنځته شوې ده. چاودنه د نومیش مشترک بازار ته څېرمه هغه مهال چې یاد مسافر وړونکی موټر له نومېشه کندهار ښار ته پر لاره و. د نومېش ولسوال وايي چې په دې چاودنه کې اوو مسافر وژل شوي او څلور نور ټپیان دي. سیمیز چارواکي وايي، چې د دې پېښې قربانیان او ټپیان د یاد ولایت د نومېش او کالوی خدیر ولسوالیو اوسېدونکي دي. د چاودنې مسوولیت تر اوسه چا پر غاړه نه دی اخیستی.
دایکنډي کې چاودنې ۱۱ کسانو ته مرګ ژوبله اړولې ده
Get real time update about this post categories directly on your device, subscribe now.
- Trending
- Comments
- Latest
