د غزني ولایت سیمه ییز چارواکي وایي چې د یاد ولایت په مقر ولسوالۍ کې ماین چاودنې اووه ماشومان وژلي او دوه نور یې ټپیان کړي دي. د غزني د والي ویاند عارف نوري وویل، چې دغه پېښه نن سهار د یادې ولسوالۍ په چمبران سیمه کې رامنځته شوې ده. نوري زیاته کړې چې دغه ماین په سیمه کې د وسله والو طالبانو لخوا د سړک پر سر ځای پر ځای شوی و چې د لوبو پرمهال یې پر یادو ماشومانو چاودنه کړې ده. د یادونې ده چې وړمه ورځ هم په فاریاب کې د سړک غاړې ماین چاودنې ۴ ماشومان وژلي و. طالبانو تر اوسه په دې اړه څه نه دي ویلي.
غزني کې ماین چاودنې ۷ ماشومان وژلي
Get real time update about this post categories directly on your device, subscribe now.
- Trending
- Comments
- Latest
