د جنوبي او مرکزي اسیا په چارو کې د امریکا د بهرنیو چارو وزارت مرستیالې الیس ویلز چې پرون کابل ته راغلې وه نن یې د ټاکنو کمیسیون له غړو سره کتلي دي. په کابل کې د امریکا سفارت پر خپل ټویټر لیکلي چې په دې لیدنه کې پر ټاکنو هر اړخیز بحث شوی دی. د سرچینې په وینا په دې لیدنه کې الیس ویلز د ټاکنو پروسې پر روڼتیا، د رایه ورکوونکو د نوم لیکنې بهیر پر چټکتیا، د اړتیا وړ کارکوونکو پر روزنه او پر خپل وخت د ټاکنو پر ترسره کېدو ټینګار کړی دی. د ویلو ده چې کابل ته د ویلز له راتګ وروسته نوموړې د حکومت له مشرانو سره په جلا جلا لیدنو کې پر خپلې ټاکلې نیټه د ټاکنو پر ترسره کېدو ټینګار او خبرې اترې کړې دي. دا په داسې حال کې ده چې نوموړې له اجراییه رییس عبدالله سره په لیدنه کې ویلي وو چې امریکا د سراسري، رڼو او با اعتباره ټاکنو ترسره کېدو برخه کې همکارۍ ته چمتو ده.
الیس ویلز پر خپل وخت د ټاکنو پر ترسره کېدو ټینګار کړی
Get real time update about this post categories directly on your device, subscribe now.
- Trending
- Comments
- Latest
