پاکستانۍ ډیلي ټایمز ورځپاڼې د افغان سولې په اړه یوه مقاله خپره کړې ده. په مقاله کې د افغان سولې لپاره وروستۍ هڅې هیله بښوونکې ښودلې شوې دي. سرچینه کاږي، دا چې په دې برخه کې پرمختګ ورو دی څو دلیلونه دي یو دا چې پخواني جګړه ماران د جګړې دوام کې خپلې ګټې وینې او بل لور ته طالبان هڅه کوي د سولې خبرو کې ورو پرمختګ وکړي څو د جګړې په میدان کې د فشار له لارې ډېر امتیاز تر لاسه کړي. سرچینه وایي، د خلیلزاد له کړنو د ټرمپ بېړه معلومېږي او ښایي هغه پر دې ټینګار کوي چې افغان مسئله باید د امریکا تر ټاکنو مخکې حل و فصل شي. د یادې مقالې لیکوال خبرداری ورکړی دی چې طالبان دې له دې بیړې داسې نه انګېري چې امریکا زغم او یا په یو ډول قوت له لاسه ورکړی دی او چې هر وخت وغواړي خپل سرتېري به وباسي. د مقالې په وروستۍ برخه کې پاکستان ته هم اشاره شوې او ویل شوي هر ډول ناسمه انګېرنه ویجاړوونکې پایلې لرلی شي نو باید په احتیاط او ځیرکتیا ګامونه واخیستل شي.
ډیلي ټایمز: طالبان دې د امریکا له بېړې غلطه انګېرنه نه کوي
Get real time update about this post categories directly on your device, subscribe now.
- Trending
- Comments
- Latest
