د امریکا ددفاع وزارت دې د افغان جګړې په اړه د معلوماتو پر ورکړه بندیزونه لرې کړي. دیارلسو نړیوالو بنسټونو او سازمانونو له پنټاګون غوښتي چې د افغان جګړې په اړه دې د معلوماتو پر ورکړه بندیز لرې کړي ځکه دغه جګړه باید ددوی تر تحلیل او څېړنې لاندې وي. یادو بنسټونو د امریکا ددفاع سرپرست وزیر ته په یوه ګډ لیک کې لیکلي دي، چې د افغان جګړې په اړه د معلوماتو ورکړه د امریکایانو او ټولې نړۍ لپاره مهمه ده، ځکه دغه جګړه خورا خونړۍ او اوږده شوه. دوی له پاتریک شاناهان غوښتي چې په دې اړه دې د پنټاګون پرېکړه لغوه کړي. د امریکا ددفاع وزارت په دې وروستیو کې پرېکړه کړې چې د افغانستان د جګړې په اړه به رسنیو او خلکو ته معلومات نه ورکوي. دې مسئلې د امریکايي وګړو او رسنیو غبرګونونه پارولي دي.
نړیوال بنسټونه: پنټاګون دې د افغان جګړې پر معلوماتو بندیزونه لغوه کړي
Get real time update about this post categories directly on your device, subscribe now.
- Trending
- Comments
- Latest
